“Tu sure hai na?”

Tu sure hai na tere chehre par yeh filter daalne se pehle,

Tune khud ko aayine main dekhkar “main khoobsurat hu” yeh kaha hai?

Tu sure haina iss roop ko sawaarne se pehle,

Tune apni rooh ko " main nayaab hu" yeh kaha hai?

Tu sure haina ki tumhari selfie par aaya comment "your smile is amazing" ,

Woh Muskun sirf kisi selfie ke liye nahi thi?
Yeh tu hi hai yaa tera mukhota hai?

Tu sure hai na ki woh #couplegoals wala post daalne se pehle, tune ishq ko  bharpoor jiya hai?

Tu sure hai na ki “I trust you more than me” bolne se pehle, yeh trust kisi  Facebook/Instagram ke password ya kisi screenshot par to nahi bana hai?

Tu sure hai na ki subah uthtte hi use “Good morning” message bhejne se pehle yeh ishq kisi sunepan ko bharne ke liye nahi kiya hai?
Yeh tu hi hai yaa tera mukhota hai?

Tu sure hai na live jaane se pehle,

Tune Apne Ghar per baithe maa baap ke liye ye bhi waqt nikala hai?

Tu sure hai na fancy dishes ki photo dalne se pehle, tujhe dhabe ka khana isse jyada toh nahin pasand?

Tu sure hai Na orphanage jakar photo dalne se pahle, kahin tu vahan bacchon ke sath khelna to nahi bhool Gaya?

Yeh tu hi hai yaa tera mukhota hai?

Tu sure hai Na ki 

#blacklivesmatter likhne se pahle,

tune kabhi kisi ke rang-roop aur bhasha ka mazak toh nahin banaya?

Tu sure hai na, ki kisi bhi case per apna decision dene se pahle tu vahan tha.

Tu sure hai na har baat per apni rai dene se pehle,

Tune aakhri baar newspaper kab padha tha?

Yeh tu hi hai yaa tera mukhota hai?

Tu sure hai na,

Apni photo ke niche #sakht launda likhane se pehle, tu sach mein sakht Banna chahte hai?

Tu sure hai na Netflix per action movie dekhne se pahle, kahin Tu romantic type to nahin?

Tu sure hai na, breakup Ho Jane par Tinder per id banane se pahle, tujhe kahin Rone ka mann to nahin?

Yeh tu hi hai yaa tera mukhota hai?

“Tu sure hai na?”

 

Apne aap ko jab taq tu, khud main kush nahi deakh paata,

Kitna bhi chuple, social media vale mukhoto main, sukun nahi milpata.

Chalo aaj khud ko padhte hai,

sabki nahi bas khud ki karte hai,

Jaisa mann kare waise rehte hai,

bas aaj khud ki karte hai.

Duniya main duniya sa hokar nahi,

duniya main khud sa hokar, sab mein ghulte hai.

Khud ko khud sa, tujhko tujh sa, sabko sab sa dekhkar bhi

Ajeeb sa mehsoos nahi karte hai.

Ladka,ladki,gay,straight,him/her, Inn sab se aage bardhte hai.

Individuality ko thoda sa samjhte hai,

Sab mein sab sa aur sab mein apnaa sa bante hai.

Ab aur mukhote nahi pehannte hai,

Ab aur mukhote nahi pehannte hai.